Ispod bora, sa slobodnom ispod miške, svaki pravi Dalmatinac ni na živu glavu ne propušta jutarnju ćakulu. Jesi je vidi u onin tangan kako se to kaže? Tanco po stolu, katrigi, prava dižgracija. Jema li muža, kurvetina jedna pribit će je. A jesi je vidi sinoć, bila je u onoj popularnoj otra dotra kavani. Tropico mislis, eee ono ća su sve ofarbali ušminkali za zato Vjekoslava stalno pita koje je boje zid,… da mogu slušat prave pisme; Draga ja san ti glup, na glavi stoji mi stup , ili Sijamski blizanci, ili Otvori mi draga (jer on ne vidi stavit kjuč na misto), Roba s greškom (sad je i to popularno), a valjda ima onda i roba bez greške a?
Pa đir pisama Ima nade, nema nade, beznadno, pa dobro dođe i Gospe moja usadit ću ti pitar cvića samo neka fini ova golgota. Hehe ma cili si dižgracijan a ča ti je, zapela za oko ta nesritnica. Ah a ko je ima force se uspinjat 27 skala, pa se frigat sa još 500 zgodnih strankinja onako u sendvič, pa joj ti objasni šta znači žmul, a ča pitar, bevanda, katriga i ćakula. Ne bi se šnjon minja za sve na svitu, pa nisan rebanbija, da mi dica gredu u onog vraga Donalda, pa se oblačiju, pa rade cili dan i noć, pa gredu na oni gugl, pa sve ništo gungulaju. Ko će platit ovi maeštral, to ča san na bolovanju od kad san se rodi, ovog našeg ridikula od poteštata, pa u vrime rogacjuna svu feštu od mendulih. Ruvinano bi mi srce bilo da nisan upozna Smoju, nego čita CNN, pa marčapija, mantanje, deboto bi me kulpalo da nima ovih Bogudara političara koji arče godinama na naš račun dok institucije rade svoj posao. Lipa je ča je je, i obla i jema je bokun, i jema bile zube na Hajduk, i otvorena mi je butiga za nju. Je ona zna kantat uz šteriku blizu mora rađala se jubav naša? Je ona zna spremit gregodu na čarno vino ili bi činila fintu? Ko će mi dat pacijence za učit ingleški kad ni rvaški ne govorin? Za sve na svitu se ne bi odreka inćunih i sve pacijence koju potrošin da hi ogulin i zalijen u vino čarnjeno. Istrpija bi i još jednu Vjekoslavu i koje je boje pod, i Bižuteriju, i Ananas uz Tropico. Niko, ali niko, ne more platit talas bokova na pismu, A voda teče, a voda teče. Ni Nju york ni Istanbul ni cili svit nam nije ravan, jer niko se ne more ušuškat ispod bora ka Dalmatinac. I sve ću preživit, na sve san friži spreman, a moran se mirit što te neeee-maaa, što te neee,eee,maaa….
